ಹುಬ್ಬಳ್ಳಿ : ರಣಜಿ ಟ್ರೋಫಿ ಕ್ರಿಕೆಟ್‌ :ಪಂಜಾಬ್ ಮೊತ್ತವನ್ನು ದಾಟಿದ ಪಡಿಕ್ಕಲ್. 80 ರನ್ ಗಳಿಸಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದ ಎಡಗೈ ಬ್ಯಾಟರ್‌ ಪಡಿಕ್ಕಲ್ ಶನಿವಾರವೂ ಇದೇ ರೀತಿಯಲ್ಲಿ ಸಾಗಿ ದ್ವಿಶತಕದ ಸಾಧ್ಯತೆಯೊಂದನ್ನು ಅರಳಿಸಿದರು.ಆದರೆ ಕೇವಲ 7 ರನ್ ಗಳಿಂದ ಈ ಗುರಿ ಮುಟ್ಟಲು ವಿಫಲರಾದರು.ಪಡಿಕ್ಕಲ್ 216 ಎಸೆತಗಳಿಂದ 193 ರನ್ ಗಳಿಸಿದರು. ಈ ಅಮೋಘ ಬ್ಯಾಟಿಂಗ್‌ ವೇಳೆ 24 ಬೌಂಡರಿ ಹಾಗೂ 4 ಸಿಕ್ಸರ್‌ ಸಿಡಿಸಿದರು. ಅಂತಿಮವಾಗಿ ಪಂಜಾಬ್ ಮೊತ್ತವನ್ನು ಪಡಿಕ್ಕಲ್ ಒಬ್ಬರೇ ಮೀರಿ ನಿಂತ ಹೀರೋ ಎನಿಸಿದರು.ಪಂಜಾಬ್ ಇನ್ನಿಂಗ್ಸ್ ನಲ್ಲಿ 152 ಕ್ಕೆ ಆಲೌಟ್‌ ಆಗಿತ್ತು.
ಮನೀಷ್‌ ಪಾಂಡೆ ಉತ್ತಮವಾಗಿ ಆಡಿ 118 ರನ್ ಗಳಿಸಿದರು. 165 ಎಸೆತಗಳ ಈ ಇನ್ನಿಂಗ್ಸ್ ನಲ್ಲಿ 13 ಬೌಂಡರಿ ಹಾಗೂ 3 ಸಿಕ್ಸರ್‌ ಒಳಗೊಂಡಿತ್ತು.ಪಡಿಕ್ಕಲ್ ಪಾಂಡೆ 4 ನೇ ವಿಕೆಟ್‌ ಗೆ 234 ರನ್ ಗಳಿಸಿದರು.
ವಿಕೆಟ್‌ ಕೀಪರ್‌ ಎಸ್.ಶರತ್‌ ರವರು ಉತ್ತಮವಾಗಿ ಆಡಿ ಪಂಜಾಬ್ ಬೌಲರ್ ಗಳಿಗೆ ಸವಾಲಾಗಿ ಪರಿಣಮಿಸಿದರು. ಎಸ್.ಶರತ್‌ ರವರು 158 ಎಸೆತಗಳಲ್ಲಿ 55 ರನ್ ಗಳಿಸಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. 5 ಬೌಂಡರಿ ಹೊಡೆದಿದ್ದು ಇವರೊಂದಿಗೆ 15 ರನ್ ಗಳಿಸಿರುವ ವಿಜಯ್ ಕುಮಾರ್ ವೈಶಾಖ್‌ ಬ್ಯಾಟಿಂಗ್‌ ಮಾಡುತ್ತಿದ್ದಾರೆ.ಶುಭಾಂಗ್‌ ಹೆಗ್ಡೆ 7.7 ಎಸೆತದಲ್ಲಿ 27 ರನ್ ಗಳಿಸಿದರು.ಇವರು 2 ಬೌಂಡರಿ ಬಾರಿಸಿದರು.
ಕರ್ನಾಟಕ 3ಕ್ಕೆ 142 ರನ್ ಗಳಿಸಿದ್ದಲ್ಲಿಂದ ಶನಿವಾರದ ಆಟ ಮುಂದುವರಿಸಿತ್ತು.ದ್ವಿತೀಯ ದಿನ ಕೇವಲ 3 ವಿಕೆಟ್‌ ಕಳೆದುಕೊಂಡು 319 ರನ್ ಸೇರಿಸಿತು.
ಪಂಜಾಬ್ ಬೌಲರ್ ಗಳು ಯಾವುದೇ ರೀತಿಯಲ್ಲಿ ಪರಿಣಾಮ ಬೀರದಾದರು.ಅರ್ಷದೀಪ್‌ ಸಿಂಗ್‌,ಪ್ರೇರಿತ್‌ ದತ್ತ ಮತ್ತು ನಮನ್‌ ಧಿರ್‌ ತಲಾ 2 ವಿಕೆಟ್‌ ಉರುಳಿಸಿದರು.