ಅಹ್ಮದಾಬಾದ್‌ : ರಣಜಿ ಟ್ರೋಫಿ ಕ್ರಿಕೆಟ್: ಸೋಲನ್ನು ಕಂಡ ಕರ್ನಾಟಕ! ಗೆಲ್ಲುವ ಸಿಹಿಯ ನಿರೀಕ್ಷೆಯಲ್ಲಿದ್ದ ಕರ್ನಾಟಕಕ್ಕೆ ಗುಜರಾತ್‌ ಸೋಲನ್ನುಣಿಸಿತು.ಹೀಗೆ ಗುಜರಾತ್‌ ಗೆಲುವಿನ ಸಂಭ್ರಮವನ್ನಾಚರಿಸಿದೆ.ಕರ್ನಾಟಕ 110 ರನ್ನುಗಳ ಸಣ್ಣ ಗುರಿಯನ್ನು ಮುಟ್ಟಲಾಗದೆ 6 ರನ್ನುಗಳ ಸೋಲನ್ನು ಹೊತ್ತು ಅಭಿಮಾನಿಗಳನ್ನು ತೀವ್ರ ನಿರಾಸೆಯಲ್ಲಿ ಕೆಡವಿದೆ.
110 ರನ್ನುಗಳ ಸಾಮಾನ್ಯ ಟಾರ್ಗೆಟ್‌ ಪಡೆದ ಕರ್ನಾಟಕ ,ಒಂದು ಹಂತದಲ್ಲಿ ವಿಕೆಟ್ ನಷ್ಟವಿಲ್ಲದೆ 50 ರನ್‌ ಬಾರಿಸಿ ಗೆಲುವಿನತ್ತ ಸಾಗುತಿತ್ತು .ಆದರೆ ಎಡಗೈ ಸ್ಪಿನ್ನರ್‌ ಸಿಧ್ಧಾರ್ಥ್‌ ದೇಸಾಯಿ ಎಸೆತಗಳಿಗೆ ಕಕ್ಕಾಬಿಕ್ಕಿಯಾದ ಕರ್ನಾಟಕ ಮತ್ತೆ 53 ರನ್‌ ಗಳಿಸುವಷ್ಟರಲ್ಲಿ ಎಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡಿತು. ರಣಜಿ ಇತಿಹಾಸದಲ್ಲೇ ಹೀನಾಯ ಸೋಲನ್ನು ಅನುಭವಿಸಿತು. ದೇಸಾಯಿಯ ಬೌಲಿಂಗ್‌ ಶ್ಲಾಘನೀಯವಾಗಿತ್ತು.ಅವರು 47 ರನ್ನಿಗೆ 7 ವಿಕೆಟ್ ಪಡೆದುಕೊಂಡರು.