ಮುಂಬಯಿ: ಮುಂಬಯಿಯಲ್ಲಿ ಪ್ರೊ ಕಬ್ಬಡ್ಡಿ ,ಯು ಮುಂಬಾ ತವರಿನ ಆವೃತ್ತಿಯಲ್ಲಿ ಸೋಲನ್ನು ಕಂಡಿದೆ.ಶನಿವಾರದ ಮೊದಲ ಪ್ರೊ. ಕಬಡ್ಡಿ ಪಂದ್ಯದಲ್ಲಿ ಜೈಪುರ್ ಪಿಂಕ್ ಪ್ಯಾಂಥರ್ಸ್ 41-31 ಅಂತರದ ಗೆಲುವು ಸಾಧಿಸಿತು.
Read More
ರೈಡರ್ ಅರ್ಜುನ್ ದೇಶ್ವಾಲ್ ಅವರು 17 ಅಂಕಗಳ ಮೂಲಕ ಜೈಪುರ್ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಮತ್ತೋರ್ವ ರೈಡರ್ ವಿ.ಅಜಿತ್ 6 ಅಂಕ ಗಳಿಸಿದರು. ಇದು 10 ಪಂದ್ಯಗಳಲ್ಲಿ ಜೈಪುರಕ್ಕೆ ಸಿಕ್ಕಿದ 6ನೇ ಜಯ.
9 ಪಂದ್ಯಗಳಲ್ಲಿ ಯು ಮುಂಬಾ 3 ನೇ ಸೋಲು ಕಂಡಿತು. ರೈಡರ್ ಗುಮಾನ್ ಸಿಂಗ್ 13 ಅಂಕಗಳೊಂದಿಗೆ ಉತ್ತಮ ಹೋರಾಟ ನಡೆಸಿದರು. ರೈಡರ್ ಅಲಿರೇಝ 6 ಅಂಕ, ಜೈ ಭಗವಾನ್ 5 ಅಂಕ ತಂದಿತ್ತರು.
ಟೈಟಾನ್ಸ್ ಗೆ 9 ನೇ ಸೋಲು. ದಿನದ 2 ನೇ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ 37-30 ಅಂತರದಿಂದ ಟೈಟಾನ್ಸ್ ಗೆ ಹೊಡೆತವಿಕ್ಕಿತು. ಇದು 11 ಪಂದ್ಯಗಳಲ್ಲಿ ಗುಜರಾತ್ ಸಾಧಿಸಿದ 7ನೇ ಜಯವಾಗಿದೆ.